Дэлегацыя Еўрапейскага Саюза запрашае беларусаў да ўдзелу ў праграме міжнародных абменаў

1325-1

Праграма візітаў Еўрапейскага Саюза запрашае перспектыўных беларусаў і беларусак да ўдзелу ў навучальных візітах у Еўрапейскія інстытуты. Апошні дзень падачы заявак – 19 красавіка 2017 г.

Што такое праграма візітаў Еўрапейскага Саюзу?

Праграма візітаў Еўрапейскага Саюзу запрашае маладых перспектыўных лідараў з краін па-за межамі Звязу наведаць ЕС і атрымаць інфармацыю пра ўладкаванне і працу еўрапейскіх інстытутаў, выпрацоўку палітык і агульнаеўрапейскія каштоўнасці, а таксама даведацца больш пра жыццё людзей у аб’яднанай Еўропе “з першых рук”, умацаваць кантакты і агульнае ўзаемаразуменне паміж прафесіяналамі з розных рэгіёнаў.

Праграма фінансуецца Еўрапейскім парламентам і Еўрапейскай камісіяй. Навучальны візіт можа доўжыцца ад 5 да 8 дзён і улучаць праграму сустрэч з еўрапейскімі чыноўнікамі ў інстытутах ЕС у Бруселі або Страсбургу. Усе праграмы каардынуюцца Сакратарыятам праграмы, падарожныя выдаткі, а таксама выдаткі на пражыванне і харчаванне пакрываюцца праграмай.

Для больш падрабязнай інфармацыі, калі ласка, наведайце гэты сайт.
Хто можа ўдзельнічаць?

Прадстаўнікі дзяржаўнага і грамадскага сектару, журналісты, супрацоўнікі сферы адукацыі ды іншыя прафесіяналы ва ўзросце 30-40 гадоў, працоўныя інтарэсы якіх звязаныя з Еўрасаюзам.
Калі ласка, звярніце ўвагу на тое, што праграма НЕ прызначана для студэнтаў, кандыдаты мусяць мець закончаную вышэйшую адукацыю, або яе эквівалент і мець некалькі гадоў працоўнага досведу.
Працэс адбору

Удзельнікі абіраюцца камітэтам у Бруселі, які складаецца з прадстаўнікоў Еўрапейскай камісіі і Еўрапейскага парламенту.
Вынікі адбору будуць абвешчаны ў другой палове 2017 г., а адабраныя кандыдаты павінны будуць выбраць дату з прапанаваных ім дзён у 2018 г.

Пра працэс падачы заяўкі чытайце, калі ласка, па гэтай спасылцы. Па дадатковых пытаннях можна звяртацца на адрас сеціўнай пошты: delegation-belarus-press@eeas.europa.eu

 

 

ОДБ Брусель

Похожие записи

Верх