Каму свята, каму стрэс: як феерверкі шкодзяць птушкам

fireworks-879461_1280

Блізяцца святы, і многія суайчыннікі пачынаюць запасацца петардамі і феерверкамі. Мы раім устрымацца ад іх выкарыстання: шкода дзікім жывёлам ад іх можа быць значная.

Мала таго, што выбухі – стрэс для дзікіх жывёл, але істотна яшчэ і тое, што петарды і ракеты запускаюць звычайна позна ўвечары і ўначы, калі цёмна. Большасць птушак у гэты час спіць. Калі пачынаюцца выбухі, чароды ўздымаюцца, але кепска арыентуюцца і могуць проста разбіцца аб будынкі. Такія выпадкі былі, напрыклад, у ЗША. Нямецкія вучоныя з дапамогай аўтаматычных камер на працягу 10 гадоў вывучалі паводзіны сініц у штучных гняздоўях падчас навагодніх салютаў і апублікавалі свае вынікі ў 2019 годзе. Птушкі былі ў стрэсе і варушыліся на працягу гадзіны нават пасля адзінкавых салютаў, а калі побач людзі весяліліся ўсю ноч, то ніводная птушка не магла заснуць. Гэтыя ўстрывожаныя паводзіны адбіваюцца на тэрмарэгуляцыі птушак, і выжывальнасць іх памяншаецца.

 

Падрабязней

Похожие записи

Верх